Huquqni muhofaza qilish idoralari tomonidan amalga oshirilgan tadbirlar natijasida Andijon, Farg‘ona, Surxondaryo, Sirdaryo, Qashqadaryo viloyatlarida istiqomat qiluvchi, internetda “Hizb ut-Tahrir” diniy-ekstremistik tashkilotiga taalluqli materiallarni tarqatib kelgan qonunbuzarlar faoliyatiga chek qo‘yildi. Bu haqda Ichki ishlar vazirligi xabar qildi.
Qayd etilishicha, tezkor tadbirlar natijasida quyidagi shaxslar terov jarayonlariga jalb qilingan.
Ushbu shaxslar ayni paytda Polshada yashirinib kelayotgan “Hizb ut-Tahrir” tashkilotining g‘oyaviy yetakchisi Mahmud Abdulmo‘min taxallusli 1980-yilda Qirg‘izistonda tug‘ilgan, xalqaro qidiruvda bo‘lgan Xoldarov Mahmudjon Abdumalikovich tomonidan boshqarilgan.
Huquqbuzarlar M.X. tomonidan Telegram va boshqa messenjerlarda tashkil qilingan “G‘ariblikdan azizlik sari” nomli virtual guruhga a’zo bo‘lib, g‘oyaviy va ekstremistik tayyorgarlikdan o‘tishgan.
Guruh ishtirokchilariga M.X. tomonidan dastlab diniy tushunchalar berilib, keyinchalik ularga O‘zbekistonda siyosiy to‘ntarishlar va ommaviy norozilik tashkil qilish kabi topshiriqlar berilgan. Respublikadagi diniy vaziyat va diniy ulamolar yomonlanib, ongi zaharlab borilgan.
Holat yuzasidan ushbu shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilgan. Hozirda tergov harakatlari amalga oshirilmoqda.
Mavzuga doir:
- Surxondaryoda Suriyadagi xalqaro terrorchilik tashkilotiga qo‘shilmoqchi bo‘lgan 20 yoshli yigit ushlandi
- Toshkent viloyatida ekstremistik g‘oyalarni targ‘ib qilib, Suriyadagi jihodchilar oqimiga qo‘shilmoqchi bo‘lgan shaxs ushlandi
- Surxondaryoda “Hizb ut-tahrir” a’zosi 5 yilga ozodlikdan mahrum etildi
Izoh (0)