Toshkentda Food Fest-2022 o‘tkazilishi munosabati bilan ayrim ko‘chalar yopiladi

Toshkent shahrining bir qator hududlarida 29-iyuldan 7-avgustga qadar harakat cheklanadi. Bu haqda shahar hokimligi xabar qildi.

Qayd etilishicha, shu kunlari shaharda Food Fest-2022 gastronomik festivali bo‘lib o‘tadi. Festival kunlari doirasida qator yo‘llar avtotransport harakati uchun yopiladi. Xususan:

• Istiqlol ko‘chasi — Buyuk Turon ko‘chasidan Hyatt Regency mehmonxonasigacha bo‘lgan qismida;
• Zarafshon ko‘chasi — Istiqlol ko‘chasidan va Mustaqillik shohko‘chasigacha bo‘lgan qismida;
• J.Neru ko‘chasi — Mustaqillik shohko‘chasidan Zarafshon ko‘chasigacha bo‘lgan qismida.

Avvalroq Toshkentda Qo‘yliq bozori yaqinidagi ko‘chaning bir qismi avtomobillar harakati uchun yopilgani xabar qilingandi.