Oliy Majlis SenatidaXotin-qizlarning jamiyatdagi rolini oshirish, gender tenglik va oila masalalari bo‘yicha respublika komissiyasi majlisi bo‘lib o‘tdi. Bu haqda O‘zA xabar qildi.
Qayd etilishicha, xotin-qizlarni ijtimoiy himoya qilish maqsadida 12 ming xotin-qizni uy-joy bilan ta’minlanishi kerak edi. Lekin 500 dan sal ortiq ayol uy-joy bilan ta’minlangan, xolos. “Ayollar daftari”ga kiritilgan xotin-qizlarning uy-joylarni ta’mirlash ishlari bir foizga ham bajarilmagan. Yozning jazirama issiq kunlarida 30 yoshdan oshgan ayollar sayohatlarini tashkil etish vazifasi qo‘yilgan. Lekin bu ham amalda bajarilmagan.
Majlisni kirish so‘zi bilan ochgan Senat raisi, mazkur komissiya raisi Tanzila Norboyeva xotin-qizlar manfaatlarini ta’minlash, ularning jamiyatda tutgan o‘rnini yaxshilash, muammolarini hal qilish bo‘yicha tizimli ishlar amalga oshirilayotganini qayd etgan. Senat raisi xotin-qizlar huquqlari himoyasi, ayniqsa ayollarga nisbatan zo‘ravonlik holatlari bo‘yicha ommaviy axborot vositalari xodimlari samarali faoliyat yuritayotganini alohida ta’kidlagan.
Hozirgi kunda xotin-qizlar bilan bog‘liq qonun hujjatlari, nizomlar inventarizatsiyadan o‘tkazilmoqda. Shu bilan birga AQSH, Yevropa, va boshqa rivojlangan davlatlar qonunchiligi o‘rganib chiqilgan. Senat raisi xotin-qizlarning jamiyatdagi o‘rni yaxshilanishi uchun Davlatimiz rahbari tomonidan belgilab berilgan ayrim ishlar bajarilmayotganini tanqid qilgan.
“Olima ayollar” tuzilmasi hali tashkil etilmagan. Davlat boshqaruvi akademiyasida har yili kamida yuz nafar xotin-qizlar uchun alohida o‘quv kursi tashkil etilishi belgilangan bo‘lsa ham, bu ham amalda hali bajarilmagan. Xotin-qizlar ro‘yxati hatto hali shakllantirilmagan.
Xotin-qizlar bilan bevosita ish olib boruvchi quyi bo‘g‘inlar ishi qoniqarli emas. Quyi bo‘g‘inlar ishlarini qoralayman. Bu yil prezident topshirig‘i asosida 12 ming xotin-qizlarni ijtimoiy himoya qilish maqsadida uy-joy bilan ta’minlanishi kerak edi. Lekin 500 dan sal ortiq ayol uy-joy bilan ta’minlangan, xolos. Bu boradagi reja o‘n foizga ham bajarilmagan. Prezident qabul qilgan hujjatning bajarilmasligini qanday baholash kerak? Hujjatlar bajarilmasa, ularga ishonch qoladimi? “Ayollar daftari”ga kiritilgan xotin-qizlarning uy-joylarni ta’mirlashga ko‘maklashish nazarda tutilgan. Bu esa bir foizga ham bajarilmagan. Joylardagi mas’ul tuzilmalar esa topshiriqlarni bajarish o‘rniga tadbirbozlik qilib yuribdi. Yozning jazirama issiq kunlarida 30 yoshdan oshgan ayollar sayohatlarini tashkil etish vazifasi ham qo‘yilgan. Lekin bu ham amalda bajarilmagan, — deydi Tanzila Norboyeva.
Izoh (0)