O‘zbekiston yil boshidan beri 40 mln dollardan oshiq konditsioner import qilgan

O‘zbekistonga 2022-yilning yanvar—iyun oylarida xorijdan qiymati 41,5 mln dollarga teng bo‘lgan 184,7 mingta konditsioner import qilingan. Bu haqda Davlat statistika qo‘mitasi ma’lum qildi. 

Konditsioner importi 2021-yilning mos davriga nisbatan solishtirilganda 62 mingtaga oshgan. O‘zbekiston 27 ta davlatdan konditsioner import qilgan. 

O‘zbekiston 6 oy mobaynida eng ko‘p konditsioner import qilgan davlatlar orasida Xitoy yetakchilik qilmoqda — 174 391 dona.

Ikkinchi o‘rinni Turkiya (4 753 ta) egallagan bo‘lsa, Ispaniya (899 ta) uchinchi bo‘lgan. 

O‘zbekistonga konditsioner import qilgan mamlakatlar:

• Litva — 811 dona;
• Tailand — 772 dona;
• Fransiya — 515 dona;
• Koreya — 498 dona;
• Italiya — 458 dona;
• BAA — 388 dona;
• Rossiya — 265 dona;
• Hindiston — 211 dona;
• Gruziya — 208 dona;
• Germaniya — 124 dona.

Joriy yilning yanvar—may oylarida O‘zbekiston 12 ta xorijiy davlatga qiymati 13,8 mln dollarga teng bo‘lgan 25 382 ta konditsioner eksport qilgan edi. 

Konditsioner eksporti o‘tgan yilning shu davri bilan solishtirilganda 2750 taga oshgan. 

O‘zbekiston 2022-yilning 5 oyida konditsioner eksport qilgan davlatlar orasida Ozarbayjon yetakchilik qilmoqda — 13 064 ta. 

Bu borada keyingi eng yaxshi ko‘rsatkichlar quyidagicha:

• Tojikiston — 2940 ta;
• Qozog‘iston — 2262 ta;
• Turkmaniston — 2119 ta;
• Rossiya — 2015 ta;
• Qirg‘iziston  — 1675 ta.