O‘zbekiston Milliy teleradio kompaniyasiga tegishli “Yoshlar” telekanali yanvar—iyun oylarida 36,8 mln so‘m foyda ko‘rdi. Bu haqda telekanal moliyaviy hisobotidan ma’lum bo‘ldi.
Telekanal o‘tgan yilning yarmida 59 mln so‘m sof foyda ko‘rgan edi. Bu yil esa bu ko‘rsatkich 36 mln so‘mga teng bo‘ldi. Shu tariqa sof foyda 23 mln so‘mga tushib ketdi.
“Yoshlar” 2020-yilda 49,8 mln so‘m foyda ko‘rgan edi. 2019-yilda esa telekanal 27 mln so‘m zarar ko‘rgan.
2006-yilda tashkil qilingan telekanalning 50 foiz ulushi O‘zbekiston Yoshlar Ittifoqiga, 50 foizi Davlat aktivlarini boshqarish agentligiga qarashli.
Avvalroq “O‘zavtosanoat”ning sof foydasi 25 mlrd so‘mga kamaygani haqida xabar berilgandi.
Izoh (0)