Jahon neft va gaz sanoati vakillari Rossiyadan eksport uchun yuqori narxlar o‘rnatilgan taqdirda neft kotirovkalari oshishi mumkinligi haqida ogohlantirmoqda. Bu haqda Financial Times xabar berdi.
Kotirovka bu — xorijiy valyutaning milliy valyutadagi narxi. Bir valyuta birligining boshqasiga nisbatan kursi bevosita aniqlanmagan taqdirda, talab va taklifga muvofiq birjada kotirovka kross-kurs orqali aniqlanadi.
Yirik neft va gaz kompaniyalari rahbarlari AQSHning Rossiya neft importi narxlarini cheklash g‘oyasini tanqid qilmoqda.
Ularning fikriga ko‘ra, bu Rossiya eksportining qisqarishiga olib kelishi mumkin, bu esa ushbu energiya resursi uchun narxlarning yanada tez o‘sishiga sabab bo‘ladi.
2022-yil dekabr oyida AQSH, Yevropa Ittifoqi va Buyuk Britaniya kompaniyalari tomonidan Rossiyadan neft olib ketilayotgan kemalarni sug‘urtalashni taqiqlash to‘liq kuchga kiradi.
Ushbu turdagi yoqilg‘ining taqchilligi uning kotirovkalari oshishiga olib keladi va bu mahalliy iste’molchilarga katta zarar keltiradi.
Shu bilan birga, boshqa mintaqalarga yetkazib berish yo‘nalishini o‘zgartirishga majbur bo‘lgan Rossiya kompaniyalari neftning jahon narxining oshishi tufayli eski bozorlar o‘rnini qoplay oladi.
Voqealarning bunday rivojlanishiga yo‘l qo‘ymaslik uchun AQSH rahbariyati hozirda Xitoy, Hindiston va boshqa ba’zi davlatlar bilan muzokaralar olib bormoqda.
Avvalroq AQSH Rossiya neftining Xitoyga sotilishiga qarshi sanksiyalarni taklif qilgani haqida xabar berilgandi.
Izoh (0)