Жаҳон нефть ва газ саноати вакиллари Россиядан экспорт учун юқори нархлар ўрнатилган тақдирда нефть котировкалари ошиши мумкинлиги ҳақида огоҳлантирмоқда. Бу ҳақда Financial Times хабар берди.
Котировка бу — хорижий валютанинг миллий валютадаги нархи. Бир валюта бирлигининг бошқасига нисбатан курси бевосита аниқланмаган тақдирда, талаб ва таклифга мувофиқ биржада котировка кросс-курс орқали аниқланади.
Йирик нефть ва газ компаниялари раҳбарлари АҚШнинг Россия нефть импорти нархларини чеклаш ғоясини танқид қилмоқда.
Уларнинг фикрига кўра, бу Россия экспортининг қисқаришига олиб келиши мумкин, бу эса ушбу энергия ресурси учун нархларнинг янада тез ўсишига сабаб бўлади.
2022 йил декабрь ойида АҚШ, Европа Иттифоқи ва Буюк Британия компаниялари томонидан Россиядан нефть олиб кетилаётган кемаларни суғурталашни тақиқлаш тўлиқ кучга киради.
Ушбу турдаги ёқилғининг тақчиллиги унинг котировкалари ошишига олиб келади ва бу маҳаллий истеъмолчиларга катта зарар келтиради.
Шу билан бирга, бошқа минтақаларга етказиб бериш йўналишини ўзгартиришга мажбур бўлган Россия компаниялари нефтнинг жаҳон нархининг ошиши туфайли эски бозорлар ўрнини қоплай олади.
Воқеаларнинг бундай ривожланишига йўл қўймаслик учун АҚШ раҳбарияти ҳозирда Хитой, Ҳиндистон ва бошқа баъзи давлатлар билан музокаралар олиб бормоқда.
Аввалроқ АҚШ Россия нефтининг Хитойга сотилишига қарши санкцияларни таклиф қилгани ҳақида хабар берилганди.
Изоҳ (0)