Rossiya uchlikdan chiqib ketdi: O‘zbekistonga eng ko‘p “inomarka’’lar qayerdan olib kelinishi ma’lum bo‘ldi

2022 yilning yanvar-iyun oylarida O‘zbekiston 24 ta xorijiy davlatlardan yengil avtomobillar import qilgan. Bu haqda Davlat statistika qo‘mitasi xabar bermoqda.

Unga ko‘ra 6 oy davomida O‘zbekistonga eng ko‘p Xitoydan yengil avtomobil import qilingan — 7 265 ta. 

Koreya ikkinchi o‘rinda (4 510 ta) qayd etilgan bo‘lsa, Qozog‘iston (2 896 ta) uchinchi o‘rinni egalladi. 

Rossiya O‘zbekistonga eng ko‘p yengil avtomobil import qiluvchi davlatlar uchligidan chiqib ketib, 4-o‘rinni egalladi — 1 192 ta. 

Ushbu mamlakat 2021-yili O‘zbekistonga 4 mingdan oshiq avtomobil import qilib uchinchi o‘rinni egallagan edi. 

Bundan tashqari yil boshidan beri O‘zbekistonga AQSHdan 180, BAAdan 84, Yaponiyadan 65, Germaniyadan 48 dona yengil avtomobil import qilingan.