“Gazprom” 27-iyul, chorshanba kunidan boshlab “Shimoliy oqim” quvuri orqali gaz yetkazib berish quvvatini 20 foizidan ko‘p bo‘lmagan darajaga qisqartiradi. Gaz hajmi kuniga 33 million kub metrdan ko‘p bo‘lmagan miqdorda, umumiy 167 million kubometrni tashkil qiladi.
Iyun oyi o‘rtalarida Rossiya energetika giganti Portovaya kompressor stansiyasi uchun Siyemens turbinasini ta’mirlash kechikishi tufayli liniya orqali yoqilg‘i quvvatini taxminan 40 foizga qisqartirdi.
Iyul oyi boshida Kanada qayta tiklangan bo‘linmani keyinchalik Rossiyaga ko‘chirish uchun Germaniyaga yuborishga rozi bo‘ldi.
“Shimoliy oqim” 21-iyul kuni rejalashtirilgan texnik xizmat ko‘rsatishdan so‘ng faoliyatini qayta tikladi, biroq 25-kuni “Gazprom” boshqa turbinaning ishini to‘xtatayotganini e’lon qildi.
Buning natijasida 27-iyuldan boshlab quvur orqali yetkazib berish har bir turbina uchun kuniga 33 million kub metrdan oshmaydi ya’ni nominal quvvatdan 20 foizga tushadi.
Ta’minotning qisqarishi va “Shimoliy oqim”ning texnik xizmat ko‘rsatish uchun o‘n kunga to‘xtatilishi Yevropada gaz tanqisligi bilan bog‘liq vaziyatning yomonlashishiga olib keldi.
26-iyulda gaz narxi mart oyi boshidan beri birinchi marta 2,2 ming dollardan oshdi, narxlar esa o‘sishda davom etmoqda.
Avvalroq “Shimoliy oqim” Yevropaning gaz inqirozida qanday muhim ahamiyatga egaligi ma’lum bo‘lgandi.
Izoh (0)