26-iyulda neft narxlari ko‘tarilib, jahon bozorida ta’minot bilan bog‘liq muammolar fonida ketma-ket ikkinchi kun o‘sishda davom etmoqda. Bu haqda “Interfaks” xabar bermoqda.
Londonning ICE Futures birjasida Brent markali neftning sentabr fyucherslari narxi bir barrel uchun 106,49 dollarni tashkil etdi, bu avvalgi narxdan 1,34 dollarga (1,27 foiz) yuqori.
Nyu-York tovar birjasining (NYMEX) elektron savdolarida sentabr oyidagi WTI nefti fyucherslarining narxi bu vaqtga kelib bir barrel uchun 97,98 dollarni tashkil etdi, bu avvalgi qiymatdan 1,28 dollarga (1,32 foiz) yuqori.
Ayni paytda savdolar global iqtisodiyotning ahvoliga oid xavotirlar bosimi ostida.
AQSH va Yevropadan olingan yangi statistik ma’lumotlar ushbu mintaqalarda iqtisodiy faollik pasayganini ko‘rsatmoqda.
Avvalroq Sharqdan Yevropaga neft yetkazib berish hajmi 90 foizga oshgani haqida xabar berilgandi.
Izoh (0)