O‘zbekistonda 2021-yil davomida taransportning barcha turlari bo‘yicha jami 6 milliard marta yo‘lovchi tashilgan. Bu haqda Davlat statistika qo‘mitasi matbuot xizmati xabar berdi.
Bunda yo‘lovchilar quyidagi transport vositalarida tashilgan:
- avtomobil transportida — 5,9 milliard;
- shahar elektr transportida (tramvay, trolleybus, metro) — 104,6 million;
- temiryo‘l transportida — 7,9 million;
- havo transportida — 3 million kishi.
Avtomobil transportida tashilgan yo‘lovchilar umumiy ko‘rsatkichning 98,1 foizni tashkil qilgan. Yo‘lovchining har safar transportda foydalangani alohida hisobga olingan.
Qirg‘izistonda ushbu ko‘rsatkich 504,2 million, Belarusda 1,5 milliard, Qozog‘istonda 7,6 milliard kishini tashkil etgan.
Izoh (0)