Toshkent davlat texnika universiteti o‘qituvchisi oraliq imtihonga baho qo‘yish uchun pul talab qilib, ularni olganda ushlandi. Bu haqda Toshkent shahri sudlari ma’lum qildi.
Unga ko‘ra, geologiya-qidiruv va kon-metallurgiya fakulteti konchilik ishi kafedrasi katta o‘qituvchisi shu fakultetning 2-bosqich talabalaridan oraliq nazorat imtihonlariga baho qo‘yib berish uchun pul yig‘ib berishlarini talab qilgan. Aks holda, ularga qoniqarsiz baho qo‘yilishi va oraliq imtihonlardan o‘tkazilmasligini aytib qo‘rqitgan.
Talabalar imtihonni topshira olmasligini aytgani uchun pul bo‘lsa kerak deb o‘ylab, 3 bahoga 100 ming, 4 va 5 baholarga 150 ming so‘m pul talab qilingan. Guruh sardori pul tayyorligini aytib telefon qilganda men supermarketda edim. Keldi. Pulni berish jarayonida ichki ishlar xodimlari tomonidan tayyorlangan pulni — 2 million 300 ming so‘mni olayotgan paytimda qo‘lga olishdi, — deydi muallim.Aniqlanishicha, 49 yoshli sudlanuvchi uchun bu birinchi marta sudlanishi emas. U avval ham Jinoyat kodeksining 211-moddasi (pora berish) bilan belgilangan jinoyatni sodir etishda aybli deb topilgan.
Sud zalida ayblanuvchi 3 nafar farzandidan birining nogiron ekani, unga dori olishi uchun har oyda katta mablag‘ sarflashini ma’lum qilgan.
Hukmga ko‘ra, o‘qituvchi Jinoyat kodeksining 214-moddasi (davlat organi, davlat ishtirokidagi tashkilot yoki fuqarolarning o‘zini o‘zi boshqarish organi xizmatchisining qonunga xilof ravishda moddiy qimmatliklar olishi yoki mulkiy manfaatdor bo‘lishi) bilan aybli deb topilib, bazaviy hisoblash miqdori (BHM)ning 50 baravari miqdorida, ya’ni 13 million 500 ming so‘m jarimaga tortildi.
Izoh (0)