Navoiy viloyati davlat soliq boshqarmasida xodimlar ish vaqti boshlanishidan 2 soat avval ishga chaqirilgani aytilgandi. Mehnat vazirligi bu bo‘yicha o‘rganish olib borib, natijasini e’lon qildi.
Navoiy shahri davlat mehnat inspeksiyasi ijtimoiy tarmoqlarda “Biz ham odammi?! Qul bo‘lsak kerak, deb o‘ylayman!” nomli xabar yuzasidan viloyat davlat soliq boshqarmasida o‘rganish o‘tkazgan.
Ushbu muassasada faoliyat yuritayotgan ishchilar va Kasaba uyushmasi qo‘mitasi raisi ma’lumotnomasiga ko‘ra, xodimlar ish vaqtidan tashqari hamda dam olish kunlari ishga jalb etilmagani ma’lum bo‘ldi. Shuningdek, viloyat soliq boshqarmasi rahbarlariga xodimlarni ish vaqtidan tashqari ishga jalb etish tartibi bo‘yicha tushuntirishlar berildi.
Izoh (0)