Shavkat Mirziyoyev 21-iyul kuni Qirg‘izistonning Cho‘lponota shahrida o‘tgan Markaziy Osiyo davlatlari rahbarlarining Maslahat uchrashuvi doirasida Tojikiston rahbari Emomali Rahmon bilan uchrashuv o‘tkazdi. Bu haqda prezident matbuot xizmati xabar berdi.
Uchrashuvda oliy darajada erishilgan kelishuvlarni amalga oshirish asosida yaxshi qo‘shnichilik, strategik sheriklik va ittifoqchilik munosabatlarini yanada mustahkamlash masalalari muhokama qilindi.
Savdo, sanoat, qishloq xo‘jaligi, energetika, transport va logistika sohalarida qo‘shma loyihalarni ilgari surish hamda amaliy hamkorlikni rivojlantirishga alohida e’tibor qaratildi. O‘zbekiston va Tojikiston prezidentlari dolzarb mintaqaviy masalalar yuzasidan ham fikr almashdi.
Izoh (0)