O‘zbekiston banklarida muammoli kreditlar kamayishni boshladi

Markaziy bank 2022-yil 1-iyul holatiga ko‘ra banklarning muammoli kreditlari to‘g‘risida ma’lumot berdi.

Unga ko‘ra, banklardagi jami kredit portfeli 343,5 trln so‘mgacha yetgan. Bu o‘tgan oyga nisbatan 1,8 trln so‘mga kamroqdir.

Banklardagi umumiy muammoli kreditlar (NPL) miqdori qariyb 1,5 trln so‘mga keskin kamayib, 16,7 trln so‘m bo‘lgan. Umumiy kredit portfelidagi NPL ulushi 0,3 foizga qisqarib 4,9 foizga tushgan. 

Banklar orasida NPL miqdori eng ko‘p “Xalq bank”ida bo‘lmoqda — 3,5 trln so‘m. 

Muammoli kreditlarning ulushi bo‘yicha eng baland ko‘rsatkich “O‘zagroeksportbank”da — bankning jami kreditlardagi NPL ulushi 92,7 foizni tashkil qildi.

Avvalroq Markaziy bank kreditlar to‘g‘risida fuqarolardan kelib tushgan murojaatlarga munosabat bildirgan edi.