“Iqtisodiy sharh” jurnali 2022-yil iyul holatiga ko‘ra, O‘zbekistondagi banklarda birlamchi bozordan avtotransport vositalarini xaridi uchun qulay avtokreditlar reytingi aniqladi.

Mazkur reytingni tuzishda kredit shartlari — boshlang‘ich to‘lovi, foiz stavkasi, imtiyozli davr, kredit muddati va miqdori kabi omillar inobatga olingan.

Markaziy bankning 2022-yil birinchi chorakdagi mavjud statistik ma’lumotlariga ko‘ra, jami banklar tomonidan avtokredit uchun 1,3 trln so‘m ajratilgan.

Hozirda 33 ta bankdan faqat 22 tasi birlamchi bozordan avtotransport vositalarini xaridi uchun kreditlar taklif qilmoqda.

Quyidagi banklar kreditlar taklif etmayapti:

• “TBC Bank”; 
• “O‘zagroeksportbank”; 
• “Anorbank”; 
• “Universal bank”; 
• “Poytaxt bank”; 
• “High-tech Bank”; 
• “O‘zKDB Bank”; 
• “Madad Invest Bank”; 
• “Ipoteka bank”; 
• “Turkiston bank”.

Reyting natijalariga ko‘ra, jismoniy shaxslarga taklif etiladigan qulay avtokreditlar bo‘yicha “Ipak yo‘li bank” 1 va 2-o‘rinlarni egalladi. 

Ushbu bank yillik foiz stavkasi mos ravishda 21,9—22,99 foiz, boshlang‘ich to‘lov 25 foiz, 4 yil muddatga, hamda kredit miqdori 450 mln so‘mgacha bo‘lgan shartlarda kredit taklif etmoqda.

Umumiy reytingda “Oriyent Finans bank” 3-o‘rinni egalladi. Ushbu bankda avtokredit olish shartlari, ya’ni boshlang‘ich to‘lov – 25 foiz, foiz stavkasi – 24 foiz, kredit miqdori – 450 mln so‘mgacha, hamda kredit muddati – 48 oy.

Reytingda “Turon bank” 35-o‘rinda joylashganiga sabab ushbu bank mijozlarga quyidagi shartlar asosida avtokretilar taklif qilmoqda: 

• yillik foiz stavka – 28 foiz; 
• boshlang‘ich to‘lovi – 30 foiz; 
• kredit muddati – 36 oy;  
• kreditning maksimal qiymati – 500 mln so‘mgacha.

Natijalarga ko‘ra, umumiy reytingda 36-o‘rinda joylashgan “Ravnaq bank” avtokreditlar ajratish uchun quyidagi shartlarni belgilagan: 

• boshlang‘ich to‘lovi – 30 foiz; 
• yillik foiz stavkasi – 28 foiz; 
• kredit muddati – 36 oy; 
• kredit qiymati — 500 mln so‘mgacha.

Reytingda 37-o‘rinni egallagan “Xalq bank” avtokredit olish uchun bankga murojat qilgan mijozlarga qo‘yidagi shartlarda: boshlang‘ich to‘lovi – 30 foiz, yillik foiz stavkasi – 27 foiz, kreditni qoplash uchun ajratiladigan muddat – 30 oy va shu bilan birga kredit uchun beriladigan qiymat 300 mln so‘mgacha kreditlar ajratmoqda.

Birlamchi bozordan avtotransport vositalarini xarid qilish uchun avtokreditlar bo‘yicha eng past stavkani “Ipak yo‘li bank” (21,9 foiz), “Asaka bank” (23 foiz), “Eron Saderat bank” (23 foiz) taqdim etayotgan bo‘lsa, eng yuqori stavka “Davr bank” (29,99 foiz) va “Ravnaq bank” (29 foiz) tomonidan taklif etilmoqda.

Ma’lumotlar banklarning veb-saytlaridan olingan bo‘lib kredit shartlari o‘zgarishi mumkin.