Markaziy bank so‘mdagi bank omonatlari va kreditlari bo‘yicha foiz stavkalarining infografikasini ma’lum qildi.
Unga ko‘ra aholi uchun muddatli omonatlarning o‘rtacha yillik foiz stavkalari 21 foizga yetgan. Bu so‘nggi o‘n yillikdagi rekord ko‘rsatkichdir:
Kompaniyalar uchun muddatli omonatlar esa 2021-yilning aprel oyidan beri eng baland bo‘ldi.
Aholi uchun so‘mdagi kreditlarning o‘rtacha yillik foiz stavkasi esa may oyidagi 23,5 foizdan 0,2 foizga tushib, 23,3 foizga yetdi.
Markaziy bank raisidan oddiy fuqarolarga pulni tejash bo‘yicha maslahat
Markaziy bank raisi Mamarizo Nurmuratov banklar tomonidan taklif etilayotgan milliy valyutadagi omonatlar shartlarini va foiz stavkalarini manfaatli deb baholagan edi.
Uning fikricha, mamlakatda inflyatsiya darajasi, ayirboshlash kursi dinamikasi va omonatlar bo‘yicha foiz stavkalari orasidagi ijobiylik hisobga olinadigan bo‘lsa, mablag‘larni milliy valyutada uzoq muddat saqlash to‘g‘ri qarordir.
Har qanday holatda barcha omonatchilarga mablag‘larning to‘liq qaytarilishi davlat tomonidan kafolatlanadi, — degan edi Mamarizo Nurmuratov.
Avvalroq Markaziy bank stavkani 16 foizgacha pasaytirgani haqida xabar berilgandi.