Toshkent shahri, Sergeli tumanidagi sobiq 77-son harbiy shaharcha binolari kimoshdi savdosida sotildi. Ma’lumotlar “E-auksion” portalida e’lon qilingan.
Lot auksionga Davlat aktivlarini boshqarish agentligi tomonidan qo‘yilgan.
Yer uchastkasining umumiy maydoni — 1,5 gektar. Binoning maydoni — 2 101 kvadrat metr. Binolarda suv, elektr ta’minoti, gaz va kanalizatsiya mavjud.
Auksionga qo‘yilgan bino va inshootlarning boshlang‘ich bahosi — 19,9 mlrd so‘m edi.
Auksion 19-iyul kuni 10:00 da o‘tkazildi va binolar 21,9 mlrd so‘mga sotildi.
Avvalroq Surxondaryodagi supermarket auksionda 20 mlrd so‘mga sotilgani haqida xabar berilgandi.
Izoh (0)