Toshkent viloyati, Chirchiq shahridagi tekstil ishlab chiqarish fabrikasi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga iqtisodiy sud hukmi bilan Olmaliq MIB tomonidan qo‘yilgan.
Yer uchastkasining umumiy maydoni — 0,27 gektar. Binoning maydoni — 960,2 kvadrat metr. Binolarda suv, elektr, gaz ta’minoti va kanalizatsiya mavjud.
Auksionga qo‘yilgan fabrikaning boshlang‘ich bahosi — 16,8 mlrd so‘m. Arizalar 16-avgust 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkent viloyatidagi dam olish maskani 12,4 mlrd so‘mga auksionga qo‘yilgani haqida xabar berilgandi.
Izoh (0)