Avtomobil sanoatidagi 40 ga yaqin korxonani o‘zida birlashtirgan “O‘zavtosanoat” 2021-yil yakunlarini sarhisob qildi.
Kompaniyaning asosiy faoliyatidan kelgan daromadlari 29,1 milliard so‘mni tashkil etgan. Bu 2020-yilning mos davriga nisbatan 5,3 milliard so‘mga kam.
Moliyaviy faoliyatdan keladigan tushumlar o‘tgan yilda 134,6 mlrd so‘mni tashkil etdi.Taqqoslash uchun, 2020-yilda 208,3 mlrd so‘m bo‘lgan.
Kompaniyaning umumiy xarajatlari 218,9 mlrd so‘mdan 54,7 mlrd so‘mgacha kamaydi.
“O‘zavtosanoat”ning valyuta yo‘qotishlari 2020-yilda 11 mlrd so‘mni tashkil etgan bo‘lsa, 2021-yilda bu ko‘rsatkich 2,8 mlrd so‘m bo‘ldi.
Umumiy iqtisodiy faoliyatdan keladigan foyda 217,6 mlrd so‘mdan 151,9 mlrd so‘mgacha tushib ketgan.
Daromad solig‘i 2020-yilda 57,3 mlrd so‘m bo‘lgan, 2021-yilda 15,5 mlrd so‘mni tashkil qildi.
2021-yilda kompaniyaning sof foydasi 136,4 mlrd so‘m bo‘ldi. Bu 2020-yildagi ko‘rsatkichdan 23,6 mlrd so‘mga kam.
Avvalroq O‘zbekistonda to‘rt oyda yengil avtomobil ishlab chiqarish hajmi 30 mingtaga oshgani haqida xabar berilgandi.
Izoh (0)