Toshkent shahar, Yashnobod tumanidagi kvartira kimoshdi savdosiga qo‘yildi. Lot ma’lumotlari E-auksion portalida e’lon qilingan.
Lot auksionga fuqarolik ishlari bo‘yicha sud hukmi bilan Yakkasaroy tumani MIB tomonidan joylashtirilgan. Ko‘p qavatli turar joyning 4-qavatida joylashgan xonadon 4 xonadan iborat.
Binoning maydoni — 131,86 kvadrat metr. Xonadonda gaz, suv, elektr ta’minoti va kanalizatsiya tizimi mavjud.
Auksionga qo‘yilgan kvartiraning boshlang‘ich bahosi — 1,875 mlrd so‘m. Arizalar 15-avgust 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi sobiq harbiy shaharcha binolari 20 mlrd so‘mga auksionga qo‘yilgani haqida xabar berilgandi.
Izoh (0)