Тошкент шаҳри, Сергели туманидаги собиқ 77-сон ҳарбий шаҳарча бинолари кимошди савдосида сотилди. Маълумотлар «E-auksion» порталида эълон қилинган.
Лот аукционга Давлат активларини бошқариш агентлиги томонидан қўйилган.
Ер участкасининг умумий майдони — 1,5 гектар. Бинонинг майдони — 2 101 квадрат метр. Биноларда сув, электр таъминоти, газ ва канализация мавжуд.
Аукционга қўйилган бино ва иншоотларнинг бошланғич баҳоси — 19,9 млрд сўм эди.
Аукцион 19 июль куни 10:00 да ўтказилди ва бинолар 21,9 млрд сўмга сотилди.
Аввалроқ Сурхондарёдаги супермаркет аукционда 20 млрд сўмга сотилгани ҳақида хабар берилганди.
Изоҳ (0)