Direksiya oldidagi majburiyatni bajarmaganligi uchun 40 ga yaqin kompaniya IT Park rezidenti maqomidan mahrum etildi. Bu haqda kompaniya matbuot xizmati xabar bermoqda.
Nizom talablarini bajarmagan rezidentlar IT Park rezidenti maqomidan mahrum etiladi, soliq imtiyozlari esa bekor qilinib belgilangan tartibda Davlat budjetiga to‘lash majburiyatlari tiklanadi.
Bundan tashqari, 79 kompaniyaga auditorlik xulosasi belgilangan shaklda taqdim etilmasa, IT Park rezidenti maqomidan mahrum etish bo‘yicha xabarnoma yuborildi.
IT Park rezidenti maqomi ma’lum afzalliklarni beradi. Xususan, rezident kompaniyalar 2028-yil 1-yanvarga qadar barcha turdagi soliqlar va davlat maqsadli jamg‘armalariga majburiy ajratmalarni, shuningdek, ijtimoiy soliqni to‘lashdan ozod etilgan.
Shu bilan birga, ish haqi daromadidan jismoniy shaxslardan olinadigan daromad solig‘i 7,5 foiz miqdoridagi yagona stavka bo‘yicha soliqqa tortiladi.
Bugungi kunda IT Park rezidentlari soni 707 ta kompaniyani tashkil etadi.
Avvalroq O‘zbekistonda yangi tashkil etilgan chet el IT kompaniyalari soni keskin oshayotgani haqida xabar berilgandi.
Izoh (0)