“Uyda yolg‘iz” komediyasining yulduzi Makoley Kalkin hozir qanday yashaydi?

Makoley Kalkin 26-avgustda 45 yoshga to‘ldi. Aktyor depressiya va qaramliklarni orqada qoldirdi, hozir u avvalo ota, keyin esa aktyor hisoblanadi. Kinodagi juda erta muvaffaqiyat va butun dunyo bo‘ylab mashhurlikdan so‘ng, yosh Kalkin deyarli o‘n yil davomida ko‘zdan g‘oyib bo‘ldi. Ushbu maqolada aktyor hozirgi kunda qanday hayot kechirayotani haqida so‘z boradi.

Aktyor yosh vaqtida bolalikni his qilish imkoniga ega bo‘lmagan. “Uyda yolg‘iz” yulduzining otasi bilan murakkab munosabatlari bo‘lgan, u Makoleyning karyerasini boshqargan va uni barbod qilgan. Shuningdek, 24 yoshida Kalkin narkotik saqlashda hibsga olingan.

Mila Kunis bilan sakkiz yildan ortiq davom etgan munosabatlarning uzilishi esa vaziyatni yanada og‘irlashtirdi. OAVning xabar berishicha, bir paytlar taqiqlangan moddalarga bog‘liqligi sababli yaqinlari Makoleyni majburan reabilitatsiya markaziga yuborgan. Ko‘pchilik aktyor hayotini nazoratga oladi va karyerasini qayta tiklay oladi, deb ishonmagan.

Ammo u bunga erisha oldi — avvalo sog‘ligini tikladi, so‘ngra omma oldida yana paydo bo‘ldi. Kalkin yana reklamalarda suratga tusha boshladi, tok-shoularda ishtirok etdi. 2019-yilda u “Dindor Jemstonlar” nomli komedik serialda rol o‘ynadi, shuningdek, Set Grinning “Tailanddagi yigitlar kechasi” nomli debyut filmida ham ishtirok etdi. Aynan shu film suratga olish jarayonida u aktrisa va Disney Channel sobiq yulduzi Brenda Song bilan munosabat o‘rnatdi.

Shundan so‘ng ularning ikki o‘g‘li dunyoga keldi: 2021-yil aprel oyida — Dakota, va 2022-yil dekabrida — Karson. Juftlik 2022-yilda unashtirilgan va o‘z oilasini ortiqcha e’tibordan himoya qiladi. Kalkin farzandlar bilan shug‘ullanish va uyda qolish kabi ota-onalik mas’uliyatining katta qismini o‘z zimmasiga olgan, shunda Brenda Song ko‘proq suratga tushish imkoniga ega bo‘ladi.