Тошкент шаҳар, Яшнобод туманидаги квартира кимошди савдосига қўйилди. Лот маълумотлари E-auksion порталида эълон қилинган.
Лот аукционга фуқаролик ишлари бўйича суд ҳукми билан Яккасарой тумани МИБ томонидан жойлаштирилган. Кўп қаватли турар жойнинг 4-қаватида жойлашган хонадон 4 хонадан иборат.
Бинонинг майдони — 131,86 квадрат метр. Хонадонда газ, сув, электр таъминоти ва канализация тизими мавжуд.
Аукционга қўйилган квартиранинг бошланғич баҳоси — 1,875 млрд сўм. Аризалар 15 август 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги собиқ ҳарбий шаҳарча бинолари 20 млрд сўмга аукционга қўйилгани ҳақида хабар берилганди.
Изоҳ (0)