AQSH Mudofaa vazirligining ilg‘or tadqiqot loyihalari boshqarmasi (DARPA) gipertovushli raketa muvaffaqiyatli sinovdan o‘tkazilganini e’lon qildi. Bu haqda Deutsche Welle xabar bermoqda.
DARPA ma’lumotlariga ko‘ra, yerusti sinovi AQSHning Nyu-Meksiko shtatidagi Sends raketa poligonida o‘tkazilgan. Kaliforniya qirg‘oqlari yaqinida o‘tkazilgan alohida sinovda Habriy-havo kuchari Air-Launched Rapid Response Weapon (ARRW) deb nomlangan gipertovushli qurolni ishga tushirgan.
Gipertovushli qurollar atmosferaning yuqori qatlamlarida tovush tezligidan besh baravar tez yoki soatiga 6200 kilometr tezlikda harakatlanadi. Nishonga uchishdan oldin u samolyot qanoti ostida parvozga chiqariladi. Avvalgi sinovlarda gipertovushli raketa samolyotdan ajralib chiqa olmagan edi.
Aytilishicha, DARPA joriy moliya yilida dastur uchun 45 million dollar so‘ragan va mablag‘ni olgan.
Gipertovushli raketaning muvaffaqiyatli sinovi haqidagi xabar avvalgi muvaffaqiyatsiz urinishlar va bunga ketgan xarajatlar, shuningdek, AQSHning eng yaxshi gipertovushli qurollarni yaratish bo‘yicha yirik kuchlar poygasida ortda qolayotgani haqidagi xavotirlar kuchayganidan keyin e’lon qilindi.
Izoh (0)