АҚШ Мудофаа вазирлигининг илғор тадқиқот лойиҳалари бошқармаси (DARPA) гипертовушли ракета муваффақиятли синовдан ўтказилганини эълон қилди. Бу ҳақда Deutsche Welle хабар бермоқда.
DARPA маълумотларига кўра, ерусти синови АҚШнинг Ню-Мексико штатидаги Сендс ракета полигонида ўтказилган. Калифорния қирғоқлари яқинида ўтказилган алоҳида синовда Ҳабрий-ҳаво кучари Air-Launched Rapid Response Weapon (ARRW) деб номланган гипертовушли қуролни ишга туширган.
Гипертовушли қуроллар атмосферанинг юқори қатламларида товуш тезлигидан беш баравар тез ёки соатига 6200 километр тезликда ҳаракатланади. Нишонга учишдан олдин у самолёт қаноти остида парвозга чиқарилади. Аввалги синовларда гипертовушли ракета самолётдан ажралиб чиқа олмаган эди.
Айтилишича, DARPA жорий молия йилида дастур учун 45 миллион доллар сўраган ва маблағни олган.
Гипертовушли ракетанинг муваффақиятли синови ҳақидаги хабар аввалги муваффақиятсиз уринишлар ва бунга кетган харажатлар, шунингдек, АҚШнинг энг яхши гипертовушли қуролларни яратиш бўйича йирик кучлар пойгасида ортда қолаётгани ҳақидаги хавотирлар кучайганидан кейин эълон қилинди.
Изоҳ (0)