Shimoliy Koreya Donetsk va Lugansk xalq respublikalari bilan davlat munosabatlarini rivojlantirmoqchi, deb xabar berdi Koreya Markaziy Telegraf agentligi.
Agentlikning ma’lum qilishicha, 13-iyul kuni Shimoliy Koreya tashqi ishlar vaziri DXR va LXR tashqi ishlar vazirlariga maktublar yuborgan.
Maktublarda u “Shimoliy Koreya hukumati DXR va LXR mustaqilligini tan olishga qaror qilgani hamda ushbu respublikalar bilan davlat munosabatlarini mustaqillik, tinchlik va do‘stlik idealiga muvofiq rivojlantirish istagini bildirgan”, deyiladi agentlik xabarida.
Shimoliy Koreya 13-iyul kuni Donetsk Xalq Respublikasi mustaqilligini tan oldi. Bu haqda DXR rahbari Denis Pushilin ma’lum qildi va buni respublika diplomatiyasining “yana bir g‘alabasi” deb atadi.
Keyinchalik KXDRning Rossiyadagi elchixonasi Pxenyan DXR va LXR mustaqilligini tan olganini tasdiqladi. Shuningdek, KXDR va LXR elchilari uchrashuvi amalga oshgani, yaqin vaqt ichida Shimoliy Koreya raisi LXR elchisi bilan uchrashishi ma’lum qilindi.
Shundan so‘ng Ukraina KXDR bilan diplomatik munosabatlarini uzdi.
Izoh (0)