Rossiya va Ukraina delegatsiyalari ishtirokchilari Istanbulda o‘tgan to‘rt tomonlama uchrashuvda don eksporti bo‘yicha muvofiqlashtirish markazini yaratish borasida kelishuvga erishdi. Bu haqda Turkiya mudofaa vazirligi xabar bergan.
Bundan tashqari tomonlar portlar va don ortilgan yo‘nalish kemalari xavfsizligini ta’minlashni ham kelishib olgan. Vazirlik axborotiga ko‘ra kelasi haftada delegatsiyalar yana Turkiyada ko‘rishadi va “don yo‘lagi”ni tashkil qilish xususidagi hujjatlarni imzolaydi.
“Istanbulda ijobiy va konstruktiv muhitda o‘tgan muzokaralarda bir qator texnik masalalar, muvofiqlashtirish markazini tuzish, portlardan chiqish va kemalar yo‘nalishlarida xavfsizlikni ta’minlash borasida kelishuvlarga erishildi. Uchrashuvda Rossiya hamda Ukraina delegatsiyalari kelasi haftada muhim hujjatni imzolash oldidan uning barcha tafsilotlarini o‘zaro kelishib oldi”,— deyiladi Turkiya vaziri Xulusi Akaraning bayonotida.
BMT ham mazkur muzokaralarni ijobiy baholagan. Tashkilot bosh kotibi Antoniu Gutterish Ukraina donini yetkazib berish haqidagi kelishuvga optimizm bilan qarayotganini ta’kidlagan.
“Bu birinchi uchrashuv edi va undagi natijalar o‘ta quvonarli. Keyingi qadamlarni tashlash kerak, biz kelishuvga erishilishiga umid qilamiz. Mazkur jarayonga optimistik nigoh bilan qarayapman”,— degan Gutterish (“Interfaks” iqtibosi).
13-iyul kuni Istanbulda Rossiya, Ukraina, BMT hamda Turkiya delegatsiyalarining uchrashuvi bo‘lib o‘tgan. Bu may oyida Rossiya va Ukraina delegatsiyalarining tinchlik bo‘yicha muzokaralari to‘xtatilganidan keyingi ilk uchrashuvi. Eslatib o‘tamiz, Rossiya TIV maydagi muzokaralar Kiyev tashabbusi bilan to‘xtatilganini e’lon qilgan.
Germaniya tashqi ishlar vazirligi ma’lumotlariga ko‘ra Qora dengiz portlarida 25 million tonna don bloklanib qolgan. Bu Rossiya qo‘shinlari 24-fevralda Ukraina hududida maxsus harbiy operatsiyalarni boshlaganidan keyin dengiz yo‘llarining yopilib qolishi oqibatida ro‘y bergan. Ukraina hukumati Rossiya o‘g‘irlangan donning o‘g‘irlanishida ishtirok etgan deb hisoblamoqda. Ammo Moskva mazkur bayonotlarni bir necha marta inkor qilgan. BMT Kiyevning Moskvani don o‘g‘irlashda ayblayotganini tekshira olmasligini bayon etgan.
Izoh (0)