Jahon sog‘liqni saqlash tashkiloti (JSST) dunyo mamlakatlarini COVID-19 tarqalishidan himoyalanish uchun niqob va boshqa usullarga qaytishga chaqirmoqda. Bu haqda tashkilot rahbari Teodor Adxanom Gebreyesus pandemiyaga qarshi kurash bo‘yicha yig‘ilish yakunida aytdi.
Qayd etilgan chora-tadbirlardan tashqari, JSST dunyoni koronavirus haqidagi yolg‘on ma’lumotlar tarqalishiga qarshi kurashishga, shuningdek, har bir mamlakatda aholining kamida 70 foizini emlashga chaqirdi.
Bundan tashqari JSST vaksinatsiya sertifikatlaridan foydalanmaslikka chaqirmoqda. Unga ko‘ra, sayyohlarni qabul qiluvchi mamlakatlar PZR-testi natijalarini ham talab qilishi kerak.
“Men COVID-19 bilan kasallanganlar soni ortib borayotganidan xavotirdaman, bu esa haddan tashqari yuk tushayotgan sog‘liqni saqlash tizimlari va tibbiyot xodimlariga qo‘shimcha og‘irlik keltirmoqda”, — deya Gebreyesusning so‘zlarini keltiradi Sky News.
O‘tgan sutkada dunyo bo‘ylab 1,2 million odamda koronavirus aniqlangan, kasallikdan 2228 ta o‘lim qayd etilgan.
Mavzuga doir: “COVID-19 pandemiyasi hali tugagani yo‘q” — JSST rahbari
Izoh (0)