Эрон киберҳужумлар олдини олиш мақсадида ўз банк тизимини ёпиб қўйди, деб ёзади Anadolu Agency. Чекловлар чет элдан киберҳужумларга йўл қўймаслик учун ҳукумат тавсиясига кўра киритилди. Бошқа тафсилотлар ошкор қилинмаяпти.
Эрон сўнгги йилларда кетма-кет киберҳужумларга учрамоқда, уларда Исроилни айбламоқда.
Аввалроқ Тель-Авив Теҳронга қаратилган шунга ўхшаш таҳдидлар билан чиққан эди.
Эрон томони айбланаётган киберҳужумларнинг сўнггиси ҳақида 14 июнь куни Исроилнинг киберхавфсизлик бўйича Check Point Research компанияси хабар берганди.
Қайд этилишича, Исроил ва Американинг юқори мансабли амалдорлари, шу жумладан, Исроил собиқ ташқи ишлар вазири Сипи Ливни ва АҚШнинг Тель-Авивдаги собиқ элчиси фишинг ҳужуми нишонларига айланган.
Эронликлар деб тахмин қилинаётган хакерлар бир қатор мансабдор шахслар электрон почталарига бузиб кирган.
Эронда эса 27 июнь куни Хузистон вилоятида мамлакатдаги энг йирик пўлат қуйиш компанияларидан бири киберҳужумга учраганди.
Ҳужумдан кейин компаниянинг учта объектида ишлаб чиқариш тўхтатилган.
Аввалроқ АҚШ ва Эрон делегациялари Қатар пойтахти Доҳада бўлиб ўтган музокаралар якунида Биргаликдаги кенг қамровли ҳаракатлар режаси (БКҚҲР) бўйича келишувларга эриша олмагани хабар берилганди.
Изоҳ (0)