Samarqand shahridagi Registon maydonida 4-iyul kuni AQSH fuqarolari Marshall Mayer va Ebru Sanning nikoh marosimi bo‘lib o‘tdi, deb xabar bermoqda Adliya vazirligi matbuot xizmati.
Ma’lum qilinishicha, juftlik bundan bir necha yil avval, 4-iyul kuni Brayton-Bichdagi Nargis Cafe restoraniga taklif qiladi. Suhbat chog‘ida ularning ikkisi ham o‘zbek milliy taomlarini sevib iste’mol qilishi ma’lum bo‘ladi. Shundan so‘ng, juftlik hayotidagi muhim kunni aynan shu sana va Samarqandda nishonlashga qaror qiladi.
Marshall bir necha yil oldin ham Samarqandda bo‘lgan shahar tarixi va me’morchiligiga oshiq bo‘lgan. Shu sabab ham juftlik Registonni tanlagan.
Xabarda ta’kidlanishicha, ularning nikohi Samarqand shahar nikoh uyi tomonidan tantanali qayd etilgan. Bunday imkoniyat FHDY sohasida amalga oshirilayotgan ishlar, xususan, xizmat ko‘rsatish tizimining soddalashtirilgani, shuningdek, eksterritorial tamoyili, kompozit xizmatlar, FHDY arxiv hujjatlarining raqamlashuvi joriy etilgani natijasidir.
Izoh (0)