Qozog‘istonlik tadbirkor Alisher Svambayev qamoqxona mahbuslari uchun onlayn do‘kon ochdi. Bu haqda Forbes xabar bermoqda.
2022-yil fevral oyida u “zonamarket.kz” xizmatini ishga tushirdi, uning yordamida mahbuslar kerakli buyumlarni qarindoshlari yetkazib berishini kutmasdan, o‘zlari uchun zarur bo‘lgan tovarlarga buyurtma berishlari mumkin.
Do‘kon ochish g‘oyasi Alisherga tanishi panjara ortiga tushib qolganida tug‘ilgan. Uning yaqinlari mahsulotlarni o‘tkazishdagi qiyinchiliklardan shikoyat qila boshlagan.
Sovg‘a jo‘natish uchun mahkumlarning qarindoshlari bir necha soat davomida qamoqxona devorlari oldida navbatga turishadi, tintuv o‘tkazishadi, shunda ham ayrim mahsulotlarga ruxsat berilmaydi.
Bu formatdagi startap oddiy onlayn do‘kondan unchalik farq qilmaydi, bundan tashqari tizim telefon yoki kompyuterdan emas, balki qamoqxonada o‘rnatilgan bank kabi maxsus terminal orqali ishlatiladi.
Assortiment faqat ruxsat etilgan mahsulotlar va tovarlarni o‘z ichiga oladi, shuning uchun ular adresatga yetkazib berilganda, "taqiqlash" bilan bog‘liq muammolar bo‘lmaydi.
Xizmatdan foydalangan odamlar barbekyu, burger, sushi, sabzavotli salatlar yoki tay go‘shti kabi tayyor ovqatlar ham buyurtma qilishi mumkin.
Bularning barchasi qonun bilan taqiqlanmagan, mahkumlar ham bunday oziq-ovqat, shaxsiy parvarishlash vositalaridan foydalanish huquqiga ega, — deydi Alisher
Qamoqxonalarda naqd pul va bank kartalaridan foydalanish mumkin emas. Shu sababdan ular to‘lovlarni qarinoshlari yoki buxgalteriya hisobi orqali amalga oshirishi mumkin.
Tadbirkorning ta’kidlashicha, u ushbu biznesni ochish yo‘lida hech qanday muammoga duch kelmagan.
Avvalroq Qozog‘iston Markaziy Osiyodagi birinchi kriptomarkaz bo‘lmoqchi ekanligi xabar berilgan edi.
Izoh (0)