Бирлашган Миллатлар Ташкилотининг Саноатни ривожлантириш ташкилоти «Рақобатбардош саноат унумдорлиги индекси – 2022» ҳисоботини эълон қилди. Бу ҳақда Иқтисодий тараққиёт ва камбағалликни қисқартириш вазирлиги хабар берди.
Ҳисоботда Ўзбекистон 154 та мамлакатлар орасида 0,017 балл билан 89-ўринни эгаллаган. Мамлакат 5 поғонага кўтарилгани саноат ривожланишининг ўрта квинтилига эга мамлакатлар тоифасига ўтиш имкониятини яратади.
Рейтингга яна 2 та давлат қўшилган — Марказий Африка Республикаси ва Никарагуа.
Индекс методологиясига асосан «Рақобатбардош саноат унумдорлиги индекси – 2022» ҳисобот натижалари 2020 йилдаги статистик маълумотларга асосан шакллантирилган.
Ўзбекистон 8 та индикаторнинг 6 тасида ижобий ўзгаришларни қайд этган, шу билан бирга 2 та индикаторда пасайган.
Таркибий кўрсаткичларнинг 2021-2022 йиллардаги таққослама жадвали (қийматлар 2015 йилги АҚШ доллари курси нархларда кўрсатилган):
Ўзбекистон 3 йиллик саноат маҳсулоти ҳажмида 2018 йилдаги 235,3 трлн сўмдан 2020 йилда 368,7 трлн сўмни ташкил этиб, 1,5 баробарга ошган.
Ишлаб чиқариш таркибида энг катта улуш (82,0 фоиз) ишлаб чиқариш корхоналарига тўғри келади ҳамда ишлаб чиқариш ҳажми 305,9 трлн сўмни ташкил этади.
Ўзбекистонда саноат ишлаб чиқариш 3 йиллик ҳажми (трлн сўм):
Шунингдек, МДҲ давлатлари орасида Ўзбекистон Россия, Беларусь, Қозоғистондан кейин 4-ўринни эгаллаган.
Дунё рейтингининг энг юқори 5 та поғонасида Германия (0,416), Хитой (0,369), Ирландия (0,347), Япония (0,325) ва Корея Республикаси (0,324) ўрин эгаллаган.
Изоҳ (0)