Toshkent shahri Yashnobod tumanidagi ishlab chiqarish bazasi kimoshdi savdosida sotildi. Ma’lumotlar “E-auksion” portalida e’lon qilingan.
Yer uchastkasining umumiy maydoni — 0,97 gektar. Binoning maydoni — 2 026 kvadrat metr.
Obyekt 32 xonadan iborat bo‘lib, unda suv, gaz, elektr ta’minoti va kanalizatsiya tizimi bor.
Auksionga qo‘yilgan binoning boshlang‘ich bahosi — 14,6 mlrd so‘m edi. Kimoshdi savdosi 28-iyun kuni bo‘lib o‘tgan.
Binoning yakuniy narxi 14,9 mlrd so‘m deb baholandi. Auksion g‘olibi sifatida “Metallsavdo lyuks” ko‘rsatilgan.
Mazkur davlat aktivi Yashnobod MIB tomonidan kimoshdi savdosiga qo‘yilgan edi.
Avvalroq Farg‘onadagi ko‘p qavatli gipermarket 23,2 mlrd so‘mga auksionga qo‘yilgani haqida xabar berilgandi.
Izoh (0)