Ijtimoiy tarmoqlarda Namanganning Uychi yo‘lida 3 ta mashina ishtirokida YTH yuz bergani haqida xabar tarqaldi. Viloyat IIB YHXB matbuot xizmati ushbu YTH yuzasidan ma’lum berdi.
Qayd etilishicha, voqea 28-iyun kuni soat 11:15 larda Namangan—Uychi—Uchqo‘rg‘on yo‘lining 8,5-kilometrida yuz bergan.
“VAZ-2106”ni Uchqo‘rg‘on yo‘nalishi bo‘ylab boshqarib ketayotgan haydovchi harakat xavfsizligini ta’minlay olmay, qarama-qarshi tomonga o‘tib ketib, Namangan yo‘nalishi bo‘ylab harakatlanib kelayotgan Lacetti bilan to‘qnashgan. Buning natijasida Lacetti yo‘lning o‘ng tomon chetida to‘xtab turgan Damas’ga borib urilgan.
Hodisa oqibatida avtomashinalar texnik shikastlangan. “VAZ-2106” haydovchisi hamda 2 nafar yo‘lovchi turli tan jarohati bilan shifoxonaga yotqizilgan.
Izoh (0)