Ижтимоий тармоқларда Наманганнинг Уйчи йўлида 3 та машина иштирокида ЙТҲ юз бергани ҳақида хабар тарқалди. Вилоят ИИБ ЙҲХБ матбуот хизмати ушбу ЙТҲ юзасидан маълум берди.
Қайд этилишича, воқеа 28 июнь куни соат 11:15 ларда Наманган—Уйчи—Учқўрғон йўлининг 8,5-километрида юз берган.
«ВАЗ-2106»ни Учқўрғон йўналиши бўйлаб бошқариб кетаётган ҳайдовчи ҳаракат хавфсизлигини таъминлай олмай, қарама-қарши томонга ўтиб кетиб, Наманган йўналиши бўйлаб ҳаракатланиб келаётган Lacetti билан тўқнашган. Бунинг натижасида Lacetti йўлнинг ўнг томон четида тўхтаб турган Damas’га бориб урилган.
Ҳодиса оқибатида автомашиналар техник шикастланган. «ВАЗ-2106» ҳайдовчиси ҳамда 2 нафар йўловчи турли тан жароҳати билан шифохонага ётқизилган.
Изоҳ (0)