Toshkent shahrida yo‘l qurilishi ishlari olib borilayotgani sababli Toshkent halqa avtomobil yo‘li Sergeli—Rohat yo‘nalishining “Qo‘yliq” dehqon bozori qarshisidagi qismi avtomobillar harakati uchun yopiladi. Bu haqda shahar hokimligi xabar qildi.
Qayd etilishicha, bu vaqt davomida avtomobillar Toshkent halqa avtomobil yo‘li va"Qo‘yliq" dehqon bozori oralig‘ida tashkil etilgan qo‘shimcha yo‘ldan foydalanishlari mumkin bo‘ladi.
“Noqulayliklar uchun uzr so‘raymiz”, — deyiladi xabarda.
Avvalroq Bo‘stonliqqa olib boruvchi yo‘lning bir qismi velosport musobaqasi sabab transportlar harakati uchun vaqtincha yopilishi, Toshkentda yoshlar karnavali o‘tkazilishi munosabati bilan 29-iyungacha Buyuk Turon ko‘chasi transportlar uchun yopilishi to‘g‘risida xabar berilgandi.
Izoh (0)