Самарқанд вилоятининг Паст Дарғом туманида имтиёзли кредит маблағини талон-торож қилган МЧЖ раҳбари аниқланди. Бу ҳақда Бош прокуратура ҳузуридаги департамент хабар берди.
Маълум қилинишича, департаментнинг Паст Дарғом туман бўлими томонидан текширув ўтказилган. Текширув давомида «Н.» МЧЖ раҳбари М.М. МДФ эшикларини ишлаб чиқариш асбоб-ускуналарини харид қилиш учун ҳудуддаги тижорат банкдан ажратилган 837,2 миллион сўмлик кредит маблағини талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Андижонда 50 нафар фуқаро учун сохта маълумот тайёрлаб, 122,5 млн сўм субсидия маблағини ўзлаштирган корхона раҳбари ушлангани, Тошкент ва Сурхондарёда умумий 1,4 млрд сўм имтиёзли кредит маблағини талон-торож қилганлар аниқлангани тўғрисида хабар берилганди.
Изоҳ (0)