Toshkent—Qarshi—Toshkent yo‘nalishida “Afrosiyob” elektropoyezdlari qatnovi yana bittaga ko‘paydi

Yo‘lovchilarga temiryo‘l transportida xizmatlar ko‘rsatish ko‘lamini oshirish maqsadida 8-iyul sanasidan boshlab, haftaning har juma, shanba va yakshanba kunlari Toshkent—Qarshi—Toshkent yo‘nalishida 780/779-sonli yuqori tezlikda harakatlanuvchi “Afrosiyob” elektropoyezdlari qatnovi yo‘lga qo‘yiladi. Bu haqda “O‘ztemiryo‘lyo‘lovchi” xabar qildi.

Qayd etilishicha, harakat jadvaliga ko‘ra:

• Toshkent—Qarshi yo‘nalishida qatnovini amalga oshiradigan 780-sonli “Afrosiyob” zamonaviy elektropoyezdi har haftaning juma, shanba va yakshanba kunlari soat 07:00 da Toshkent Markaziy vokzalidan;
• Qarshi—Toshkent” yo‘nalishida harakatlanadigan 779-sonli “Afrosiyob” elektropoyezdi esa Qarshi vokzalidan soat 15:25 da qatnovini amalga oshiradi.

Unga ko‘ra:

• Toshkent—Samarqand yo‘nalishida harakatlanadigan 764-sonli “Afrosiyob” elektropoyezdi har kuni soat 08:30 da Toshkent Markaziy vokzalidan,
• Samarqand—Toshkent yo‘nalishida harakatlanayotgan 763-sonli “Afrosiyob” elektropoyezdi soat 16:15 da Samarqand vokzalidan,
• Toshkent—Buxoro yo‘nalishida harakatlanadigan 770-sonli “Afrosiyob” elektropoyezdi esa soat 08:56 da Toshkent Markaziy vokzalidan qatnovini amalga oshiradi.