25-iyun kuni jamoatchilik muhokamasiga qo‘yilgan Konstitutsiyasiga o‘zgartishlar kiritish to‘g‘risidagi qonun loyihasida davlat o‘z faoliyatini inson farovonligini hamda jamiyatning barqaror rivojlanishini ko‘zlab, ijtimoiy adolat va qonuniylik prinsiplari asosida amalga oshirishi belgilab qo‘yilgan.
Prezident Shavkat Mirziyoyev BMT Bosh assambleyasining 72-sessiyasida Harakatlar strategiyasining mazmun-mohiyati Birlashgan Millatlar Tashkilotining Barqaror rivojlanish maqsadlari bilan to‘la hamohang ekanini ta’kidlagan edi.
Ushbu norma kiritilishining zarurati, eng avvalo, respublikada barcha sohalarning barqaror rivojlanishini ta’minlash hamda bu borada davlatning xalq oldidagi vazifalarini yetarli darajada bajarishdan iboratdir.
Barqaror rivojlanish deganda – iqtisodiy, ijtimoiy va ekologik vaziyatni har tomonlama yaxshilash orqali hayot tarzini yaxshilash va turmush farovonligini oshirishga, adolatli va barqaror jamiyat qurish tushuniladi.
Bunday qo‘shimchalar kiritishga xalqaro normalar, xorijiy davlatlar Konstitutsiyalari, shuningdek fuqarolardan kelib tushgan taklif va tavsiyalar asos qilib olingan.
Izoh (0)