BBC Ukrainada halok bo‘lgan to‘rt mingdan ortiq rossiyalik askarning ismlarini aniqladi

24-iyunga kelib BBC nashri ochiq manbalardan Ukrainadagi urushda 4010 nafar rossiyalik askar halok bo‘lgani haqidagi ma’lumotlarni topishga muvaffaq bo‘ldi.

Nashrning yozishicha, bu ro‘yxatga halok bo‘layotganlar orasida soni “tezlik bilan o‘sib borayotgan” ko‘ngillilar ham kiradi. BBC ma’lumotlariga ko‘ra, har haftada 30-40 nafar ko‘ngilli halok bo‘layotgani haqida xabarlar bor — bu boshqa toifadagi harbiy xizmatchilarga qaraganda ancha ko‘proq. Ularning yigirma foizi 50 yoshdan oshganlar.

Avvalgidek halok bo‘lganlarning taxminan 17 foizi zobitlardir. Ular orasida kamida to‘rtta general va yigirma bitta polkovnik bor. Shuningdek, kamida qirq ikki harbiy uchuvchi ham halok bo‘lgan.

Halok bo‘lganlarning yigirma foizi havo-desant kuchlarida, o‘n to‘qqiz foizi motoo‘qchi qo‘shinlarida xizmat qilgan.