24 июнга келиб BBC нашри очиқ манбалардан Украинадаги урушда 4010 нафар россиялик аскар ҳалок бўлгани ҳақидаги маълумотларни топишга муваффақ бўлди.
Нашрнинг ёзишича, бу рўйхатга ҳалок бўлаётганлар орасида сони «тезлик билан ўсиб бораётган» кўнгиллилар ҳам киради. BBC маълумотларига кўра, ҳар ҳафтада 30-40 нафар кўнгилли ҳалок бўлаётгани ҳақида хабарлар бор — бу бошқа тоифадаги ҳарбий хизматчиларга қараганда анча кўпроқ. Уларнинг йигирма фоизи 50 ёшдан ошганлар.
Аввалгидек ҳалок бўлганларнинг тахминан 17 фоизи зобитлардир. Улар орасида камида тўртта генерал ва йигирма битта полковник бор. Шунингдек, камида қирқ икки ҳарбий учувчи ҳам ҳалок бўлган.
Ҳалок бўлганларнинг йигирма фоизи ҳаво-десант кучларида, ўн тўққиз фоизи мотоўқчи қўшинларида хизмат қилган.
Изоҳ (0)