Amerikaning Microsoft kompaniyasi rossiyalik foydalanuvchilarga Windows 10 va 11 ni rasmiy veb-saytdan yuklab olishni taqiqladi. Bu haqda CNews xabar bermoqda.
Rossiyaliklar Microsoft veb-saytidan Windows 10 va Windows 11 distributivlarini yuklab olish imkoniyatidan mahrum bo‘lishdi, — deyiladi xabarda.
Rossiyaliklar Windows 11 ni yuklab olayotganda Microsoft sayti “So‘rovingiz bilan bog‘liq muammo bor” degan xabarni ko‘rsatadi.
Microsoft hozircha bu borada izoh bermagan.
Iyun oyi boshida Microsoft Rossiyadagi faoliyatini sezilarli darajada qisqartirishini e’lon qildi. Kompaniya rossiyalik foydalanuvchilar oldidagi joriy shartnoma majburiyatlarini bajarishda davom etadi.
Avvalroq Internet Explorer brauzerining faoliyati to‘xtatilgani haqida xabar berilgan edi.
Izoh (0)