“O‘zagroeksportbank”ni Rossiya Sovkombankiga sotish bo‘yicha bitim bekor qilinmoqda. Bu haqda Sovkombank boshqaruvi raisining birinchi o‘rinbosari Sergey Xotimskiy ma’lum qildi.
Afsuski sanksiyalar joriy qilingani sababli, loyihani amalga oshirish imkonsiz bo‘lib qoldi, bu haqda O‘zbekiston hukumati xabardor qilindi. Bizning har qanday sho‘ba bankimiz avtomatik tarzda sanksiyalar ostida qolishi O‘zbekiston uchun muammo bo‘lardi”, — dedi u.
Uning so‘zlariga ko‘ra, bu bitim mamlakatga texnologiya va moliya olib kelish o‘rniga, bir qator muammolarga sabab bo‘lardi.
Biz vaziyat o‘zgarishiga umid qilishda davom etamiz, sanksiyalar bilan bog‘liq vaziyat bartaraf etilgach, biz O‘zbekiston bozoriga faol kreditor sifatida katta mamnuniyat bilan qaytamiz. Afsuski hozir kredit loyihalarimizning aksariyat qismini qisqartirishga majburmiz, - deydi Xotimskiy.
O‘zbekiston yaqin orada bankni baribir xususiylashtirishni rejalashtirmoqda, lekin Sovkombank bu jarayonda ishtirok eta olmaydi.
Hozir tomonlarning o‘zaro qaroriga ko‘ra bitim bekor bo‘lish bosqichida.
“O‘zagroeksportbank”ni Rossiya Sovkombankiga sotish bo‘yicha bitim 2022-yilning 23-fevralda tuzilgan edi.
Uning doirasida Sovkombank “O‘zagroeksportbank”ning 100 foiz davlat ulushini 4 million dollarga sotib olishi kerak edi.
Biroq bir kun o‘tib, Rossiya Ukrainada urush boshladi, yana bir kundan keyin esa Sovkombank sanksiyaga uchradi.