The New York Times nashri rossiyalik oligarxlarning parvozlari haqida ma’lumotlarni taqdim qildi. 

Ukrainadagi urush va xalqaro sanksiyalar o‘n minglab odamlarni mamlakatni tark etishga majbur qildi.

Jurnalistlar, faollar va IT-mutaxassislar Armaniston, Gruziya va Turkiyaga ketishdi. Bular rossiyaliklarga vizasiz kirishiga ruxsat beruvchi nisbatan arzon, yaqin davlatlar hisoblanadi. 

Ammo rossiyaliklarning yana bir guruhi, jumladan, oligarxlar Dubayni asosiy manziliga aylantirdi.

Urush boshlanishidan avvalgi oligarxlarning parvozlari:

Urush boshlanishidan keyingi oligarxlarning parvozlari:

Fevralgacha Rossiyadan uchadigan shaxsiy reyslarning atigi 3 foizi BAAga uchgan bo'lsa, urush boshlanganidan keyingi  bu raqam 6 foizgacha, may oyida esa 14 foizgacha oshgan.

Hozir oligarxlar tomonidan eng ko‘p parvozlar Tel-Aviv, Dubay, Boku, Istanbul va Toshkentga bo‘lmoqda. Ular Parij, London, Milan va Jeneva o‘rnini egalladi.

Toshkentga parvozlar soni biroz kamaydi, biroq rossiyaliklar uchun boshqa shaharlar hozir yopilgani uchun O‘zbekiston poytaxtining ulushi sezilarli darajada oshdi.

Avvalroq rossiyalik badavlat insonlar BAAga ko‘chib o‘tayotgani haqida xabar berilgan edi.