Ukrainaning Xerson viloyatida 24-fevraldan keyin tug‘ilgan bolalar, shuningdek, yetim bolalar avtomatik tarzda Rossiya fuqaroligini oladi. Bu haqda Rossiya davlat OAVlari tomonidan Xerson viloyati “harbiy-fuqarolik ma’muriyati rahbari o‘rinbosari” deb ataluvchi Kirill Stremousov ma’lum qildi, deb yozadi Meduza.
Uning da’vo qilishicha, hududda Rossiya pasportlariga nisbatan “shov-shuvli talab” bor bo‘lib, ularni rasmiylashtirish uchun allaqachon o‘n mingdan ziyod talabnoma kelib tushgan.
Xerson viloyati mart boshidan buyon deyarli to‘liq Rossiya qo‘shinlari nazorati ostida bo‘lib turibdi. Hududning “yangi hukumati” Rossiyaga qo‘shilish istagi haqida bir necha marta ma’lum qilgan.
May oxirida Rossiya prezidenti Vladimir Putin Ukrainaning Xerson va Zaporojye viloyatlari aholisi uchun Rossiya fuqaroligiga murojaat qilishning soddalashtirilgan tartibi haqida farmon imzoladi. 11-iyun kuni ushbu viloyatlarda ilk Rossiya pasportlari berila boshlagani ma’lum qilindi.
Mavzuga doir:
- Ukrainaning Xerson va Zaporojye viloyatlari Rossiya aloqasi va internetiga to‘liq o‘tdi
- Rossiya Ukrainaning beshdan bir qismini bosib oldi. Xaritalarda bu hudud qanchalik kattaligini ko‘rish mumkin (foto)
- Zaporojyening “yangi hokimiyati” viloyatda rublni joriy etdi va Rossiya tarkibiga qo‘shilish istagini e’lon qildi. Xersonda ham shunday bo‘lgandi
Izoh (0)