Ruminiya hukumati Buxarestda yashagan erkakda maymunchechak aniqlanganini ma’lum qildi. Bu mamlakatda mazkur kasallikka chalinish bilan bog‘liq birinchi holat.
Maymun chechagiga chalingan bemor 26 yoshda, deyiladi Ruminiya sog‘liqni saqlash vazirligining axborotida.
Reuters agentligining xabar qilishicha, SSV ma’lumotlariga ko‘ra, bemorning sherigi Yevropaning bir qator mamlakatlarida, jumladan, maymunchechak bilan kasallanish holatlari ko‘p qayd etilgan davlatlarda bo‘lib qaytgan. Bemor izolyatsiya qilingan holda davolanmoqda va uning holati yaxshi ekanligi ma’lum qilingan.
Maymun chechagining asosiy belgisi toshma bo‘lib, u og‘riqli bo‘lishi va terida qichima paydo qilish mumkin. Kasallik yengil shaklda kechmoqda va ikki yoki uch haftada o‘tib ketadi. Maymunchechak bilan bog‘liq holatlardagi o‘lim ko‘rsatkichi 1 foizdan 10 foizgacha.
Avval JSST maymunchechakka qayta chalinish xavfidan ogohlantirgani, Portugaliyada maymunchechak bilan kasallanganlar soni 150 nafardan oshgani, Nigeriyada maymunchechak sabab yovvoyi hayvonlarning go‘shtini sotish taqiqlangani, milliarder Bill Geytsning maymunchechak xavfini baholab, yangi pandemiya qachon yuzaga kelishini prognoz qilgani haqida xabarlar berilgandi.
Izoh (0)