Kecha, 12-iyun kuni, Sinxua agentligi xabariga ko‘ra, Xitoy poytaxtida 51 ta COVID-19 kasalligi qayd etilgan. Barcha kasallanish u yoki bu tarzda Chaoyang tumanidagi Heaven bari bilan bog‘liq. Shahar meriyasi hududda qisman lokdaunni tikladi va maktablarni onlayn o‘qitishga qaytardi. Faqat imtihon topshirishi kerak bo‘lgan o‘rta, yuqori sinf o‘quvchilari maktabga borishni davom ettiradi.
Pekin shahri hukumati 1-iyundan boshlab shaharda bir oydan ortiq vaqtdan beri amalda bo‘lgan qattiq koronavirus cheklovlarini bekor qila boshladi. Endi ular, Reuters agentligiga ko‘ra, fuqarolar yangi ommaviy testdan o‘tkazilishini e’lon qildi.
O‘tgan juma kuni Shanxay shahri hokimiyati ikkinchi karantin joriy qilishga majbur bo‘ldi. So‘nggi bir necha kun ichida u yerda 502 ta yangi COVID-19 kasallanish holati aniqlangandi.
Izoh (0)