Kiyev viloyatidagi Bucha tumanining Mirotsk qishlog‘i yaqinida yetti nafar halok bo‘lgan tinch aholining jasadi dafn etilgan joy topildi, deya xabar berdi viloyat politsiyasi rahbari Andrey Nebitov.
Uning so‘zlariga ko‘ra, o‘lganlarning jasadlarida qiynoq izlari bor, ko‘pchiligining qo‘llari bog‘langan va tizzalariga o‘q uzilgan, o‘limga esa bosh qismidagi o‘q jarohatlari sabab bo‘lgan. Halok bo‘lganlarning shaxsi aniqlanmoqda.
Ukraina Milliy politsiyasi rahbari Igor Klimenko Rossiyaning mamlakatga bostirib kirishi boshlanganidan beri 12 mingdan ortiq tinch aholining o‘limiga oid tergov ishlari olib borilgani haqida ma’lumot berdi. Ma’lumotlarga ko‘ra, mart oyida qisman bosib olingan Kiyev viloyati hududida 1500 dan ortiq odam halok bo‘lgan.
Izoh (0)